𝑾𝒆𝒔𝒕𝒆𝒓𝒏 𝑹𝒊𝒔𝒐𝒕𝒕𝒐✨𝑻𝒓𝒖𝒇𝒇𝒍𝒆 𝒂𝒏𝒅 𝑴𝒖𝒔𝒉𝒓𝒐𝒐𝒎 𝑹𝒊𝒔𝒐𝒕𝒕𝒐 大獲好評同encore既黑松露蘑菇Risotto🤣（連準新娘子戒食carbs都encore🤭）所以勤力少少寫埋食譜～因為有朋友唔飲得酒，所以嗰日我冇加白酒但大家可以試吓加少少調味～效果相信會更好✨ 🔸材料🔸（5-6人份） 蘑菇 2盒（約10粒） 意大利米 2.5杯（約430克） 雞湯 500毫升（約2盒） 乾蔥 2-3粒 熱水 1000-1500毫升 蕃茜 適量 忌廉 100-200毫升 🔸調味料🔸 牛油 1大塊 鹽 2-3茶匙（視乎雞湯咸度） 黑胡椒 適量 黑松露醬 2-3大匙 巴馬臣芝士 適量 白酒 適量 🔸做法🔸 蘑菇處理乾淨後切大片，乾蔥切平待用。 米洗淨瀝乾待用。 牛油開鍋，大火炒香乾蔥和蘑菇，並加入鹽及黑胡椒。 加入意大利米，用工具將每粒米拌勻牛油及調味料。 用另一個鍋將雞湯煮滾。 中火慢慢加入熱雞湯，再繼續用工具邊煮邊拌勻米粒。 整個過程不停加入熱雞湯和熱水，可以一邊試味一邊調教雞湯和水的比例。 大約用工具不停拌勻米粒，煮20-30分鐘，令米粒煮成理想的硬度後，再加入黑松露醬、白酒和忌廉。 最後用中大火將燉飯煮至收汁，加上巴馬臣芝士及蕃茜做伴碟即可。 🔸小TIPS🔸 意大利米同蘑菇都唔需要洗，但我接受唔到唔洗😖所以我都係洗左再瀝乾🤣 如果唔中意米粒太硬，可以用番珍珠米！ 一開始唔使全部雞湯都加，因為雞湯會越煮越咸～記得一定要邊煮邊試味同慢慢加雞湯同水！ ✨✨✨✨✨✨✨✨✨✨ Instagram生活日常💗https://www.instagram.com/jann.coco Youtube影片分享🎥https://www.youtube.com/@janicoco321 Facebook專頁🍳https://www.facebook.com/janicoco.kitchen 飾品店精品店💍https://bonbonlavie.co
