𝑪𝒉𝒊𝒏𝒆𝒔𝒆 𝑪𝒖𝒊𝒔𝒊𝒏𝒆✨𝑩𝒍𝒂𝒄𝒌 𝑷𝒆𝒑𝒑𝒆𝒓 𝑩𝒆𝒆𝒇 𝑹𝒊𝒃𝒔 大排檔小菜其中一個我最中意既就係黑椒牛仔骨😋6:30左右開始整！✨冇諗過可以7:45開飯個牛仔骨仲要好入味～🤣如果直接用現成黑椒醬醃牛仔骨應該仲快仲簡單！但我覺得淨係得個個味好似酸酸地唔太岩🤔所以我要自己溝醃料👻 好好味😋加埋最近新買既中式炒鑊～終於炒到有穫氣既小菜了❤️ 🔸材料🔸 牛仔骨 4條 乾蔥 1粒 洋蔥 1個 蒜 3瓣 姜 適量 🔸醃料🔸 姜汁 1湯匙 紹興酒 1湯匙 美極醬油 1茶匙 生抽 1湯匙 老抽 1湯匙 蠔油 1湯匙 糖 2茶匙 粟粉 1湯匙 蛋白 1湯匙 胡椒粉 1茶匙 黑胡椒 1茶匙 🔸調味料🔸 黑椒醬 3湯匙 🔸做法🔸 將牛仔骨浸水約15分鐘將血水浸出。 牛仔骨用廚房紙印乾，切成小塊，再用刀背剁鬆。 將乾蔥和蒜切碎，洋蔥切成絲待用。 將姜磨成姜茸和姜汁。 牛仔骨加入所有醃料，醃製最少30分鐘。 下油開鍋，將牛仔骨煎至兩面金黃，然後放置一旁待用。 炒香蒜、乾蔥和洋蔥，再加入牛仔骨和黑椒醬回鍋炒香即可。…
