中式料理🥘辣椒炒肉 𝑪𝒉𝒊𝒏𝒆𝒔𝒆 𝑪𝒖𝒊𝒔𝒊𝒏𝒆✨𝑺𝒑𝒊𝒄𝒚 𝑪𝒉𝒊𝒍𝒍𝒊 𝑷𝒐𝒓𝒌 🤭好想食辣椒炒肉送白飯！買到呢隻青椒🌶✨好辣但好好味！下次要用五花肉🤤 🔸材料🔸 1. 豬肉碎 1盒 2. 青辣椒 適量 3. 姜 適量 4. 蒜 2-3瓣 🔸調味料🔸 1. 生抽 0.5-1湯匙 2. 老抽 0.5-1湯匙 3. 蠔油 2-3茶匙 4. 糖 1-2茶匙 🔸做法🔸 1. 將姜、蒜、辣椒切碎待用。 2. 下油開鍋，炒香薑、蒜和辣椒。 3. 加入豬肉碎及調味料，全程大火炒熟即可。 🔸小TIPS🔸 1. 豬肉碎可以提前醃～ 2. 可以邊炒邊加減調味料試味！ ✨✨✨✨✨✨✨✨✨✨ Instagram生活日常💗https://www.instagram.com/jann.coco Youtube影片分享🎥https://www.youtube.com/@janicoco321 Facebook專頁🍳https://www.facebook.com/janicoco.kitchen 飾品店精品店💍https://bonbonlavie.co 食譜部落客🏡https://janicoco.com
𝑪𝒉𝒊𝒏𝒆𝒔𝒆 𝑪𝒖𝒊𝒔𝒊𝒏𝒆✨𝑭𝒓𝒆𝒔𝒉 𝑪𝒍𝒂𝒎𝒔 𝒂𝒏𝒅 𝑳𝒖𝒇𝒇𝒂 𝑺𝒐𝒖𝒑✨𝑲𝒆𝒕𝒐–𝒇𝒓𝒊𝒆𝒏𝒅𝒍𝒚 𝒂𝒏𝒅 𝑫𝒊𝒆𝒕 𝑹𝒆𝒄𝒊𝒑𝒆 勝瓜煮蜆湯係我秘密多年嘅減肥料理😎✨每次中午食得太飽太滯/ 想減肥/ 唔舒服口淡淡～我夜晚都飲一大煲勝瓜煮蜆湯！成個人即刻暖笠笠舒服晒～湯水不特止原汁原味超鮮甜～勝瓜仲可以美顏添😙冬天再加埋白胡椒粉都好好味！ 🔸材料🔸（2-3人份） 勝瓜 3條 蜆/ 沙白 1斤 水 700毫升 🔸調味料🔸 鹽 適量 🔸做法🔸 蜆/沙白簡單洗淨外殼，用溫水加1-2茶匙鹽浸1-2小時。 薑切成絲待用。 勝瓜批皮，切角待用。 蜆再洗淨鹽水，瀝乾待用。 用少許油炒香姜絲開鍋。 放入蜆，再加入熱水滾至蜆開殼。 蜆開殼後瀝起待用，可以篩走泡泡。 用蜆湯煮勝瓜，約3-5分鐘。 最後再放回蜆滾一滾即可。 🔸小TIPS🔸 因為蜆用過鹽水浸，所以煮嗰陣可以唔加鹽。 冬天可以再加白胡椒粉，超好味又暖粒粒！ ✨✨✨✨✨✨✨✨✨✨ Instagram生活日常💗https://www.instagram.com/jann.coco Youtube影片分享🎥https://www.youtube.com/@janicoco321 Facebook專頁🍳https://www.facebook.com/janicoco.kitchen 飾品店精品店💍https://bonbonlavie.co
𝑪𝒉𝒊𝒏𝒆𝒔𝒆 𝑪𝒖𝒊𝒔𝒊𝒏𝒆✨𝑪𝒐𝒓𝒊𝒂𝒏𝒅𝒆𝒓 𝒂𝒏𝒅 𝑩𝒆𝒆𝒇 𝑺𝒂𝒍𝒂𝒅 呢個涼拌小菜超簡單但超好味！10分鐘快手小菜🤭特別靈魂精粹係要多芫荽～唔中意芫荽可以改多蔥✨ 🔸材料🔸 肥牛 適量 芫荽 多多👻 辣椒 適量 🔸調味料🔸 生抽 1湯匙 蠔油 1湯匙 胡椒粉 1茶匙 糖 1茶匙 醋 1茶匙 芝麻油 1湯匙 辣椒粉 適量 芝麻 適量 🔸做法🔸 煮滾水，將肥牛放入鍋內快速煮熟，取出瀝起待用。 加入已切段的芫荽。 最後加入所有調味料拌勻肥牛和芫荽即可。 ✨✨✨✨✨✨✨✨✨✨ Instagram生活日常💗https://www.instagram.com/jann.coco Youtube影片分享🎥https://www.youtube.com/@janicoco321 Facebook專頁🍳https://www.facebook.com/janicoco.kitchen 飾品店精品店💍https://bonbonlavie.co
𝑪𝒉𝒊𝒏𝒆𝒔𝒆 𝑪𝒖𝒊𝒔𝒊𝒏𝒆✨𝑺𝒕𝒊𝒓-𝒇𝒓𝒊𝒆𝒅 𝑪𝒓𝒂𝒃𝒔 𝒘𝒊𝒕𝒉 𝑮𝒊𝒏𝒈𝒆𝒓 𝒂𝒏𝒅 𝑺𝒄𝒂𝒍𝒍𝒊𝒐𝒏𝒔 由細到大都好中意食蟹😋！(除左生醃蟹🫢因為我唔太食魚生）～食蟹+剝蟹我最有耐性+最在行😎✨今次終於剋服左自己處理蟹👻紀錄下個食譜先！個蟹汁係重點～記得留番黎撈飯🤤 🔸材料🔸 肉蟹 2大隻 姜 適量 葱 適量 芫茜根 如有 辣椒 如有 🔸調味料🔸 生抽 1-2湯匙 蠔油 1湯匙 米酒/ 紹興酒 1-2湯匙 糖 3-4茶匙 🔸做法🔸 將蟹用筷子中間吉一下，再拆件和洗淨處理好，並用刀劈開蟹鉗確保可入味。 將姜切絲和葱切段後待用。 下油開鍋，爆香姜、葱、辣椒及芫荽根。 放入蟹件炒香，加入調味料，中火合蓋煮3-5分鐘確保熟透。（如想要多汁，可再加少量水。） 最後開蓋，用大火翻炒蟹至理想收汁程度即可。 🔸小TIPS🔸 講多次：蟹汁係重點～記得留番黎撈飯🤤 ✨✨✨✨✨✨✨✨✨✨ Instagram生活日常💗https://www.instagram.com/jann.coco Youtube影片分享🎥https://www.youtube.com/@janicoco321 Facebook專頁🍳https://www.facebook.com/janicoco.kitchen 飾品店精品店💍https://bonbonlavie.co
時間是最珍貴的♡ 用心陪伴就係最好既母親節禮物！ 𝑯𝒂𝒑𝒑𝒚 𝑴𝒐𝒕𝒉𝒆𝒓’𝒔 𝑫𝒂𝒚 ♡ 今日忙左一日煮左比媽咪食😆 🦀姜葱炒蟹 ✨有食譜✨ 🦐荷葉蒸鮮蝦 🐮香辣涼拌和牛薄片 ✨有食譜✨ 🥗魚湯杞子浸白菜 🍲人蔘蟲草花素湯 特別備註今日既小成就 😎自己KO蟹Mission Accomplished （雖然帶左手套但又論盡左被蟹鉗尖尖吉襯👻） ✨✨✨✨✨✨✨✨✨✨ Instagram生活日常💗https://www.instagram.com/jann.coco Youtube影片分享🎥https://www.youtube.com/@janicoco321 Facebook專頁🍳https://www.facebook.com/janicoco.kitchen 飾品店精品店💍https://bonbonlavie.co
𝑪𝒉𝒊𝒏𝒆𝒔𝒆 𝑪𝒖𝒊𝒔𝒊𝒏𝒆✨𝑺𝒑𝒊𝒄𝒚 𝑪𝒍𝒂𝒎𝒔 𝒂𝒏𝒅 𝑺𝒉𝒓𝒊𝒎𝒑𝒔 𝑽𝒆𝒓𝒎𝒊𝒄𝒆𝒍𝒍𝒊 𝑺𝒕𝒆𝒘 𝑷𝒐𝒕 呢排好多假期所以廚房罷工👻有冇人掛住我既煮飯仔短片😆前排整左香辣花甲鮮蝦粉絲煲🦐✨大家仲好中意我IG Story個個極浮誇既「食神美味filter」🤣終於剪好晒片貼出黎～我煮左重量級！😋我仲要加埋豆卜索晒d海鮮汁！超鮮甜！當左麵咁食好滿足好好味呀！🤤✨ 🔸材料🔸（3-5人份） 花甲 1斤 蝦 半斤 粉絲 2-3束 豆卜 適量 金菇 1-2包 姜 3-4片 蒜蓉 3-4瓣 乾蔥 2粒 辣椒 1-2條 熱水 300毫升 芫荽 適量 蔥花 適量 🔸調味料🔸 豆瓣醬 2湯匙 白胡椒粉 1茶匙 生抽 1湯匙 蠔油 1湯匙 糖 1-2茶匙 雞汁 1-2茶匙 🔸做法🔸 花甲洗淨，用溫水加鹽浸花甲至吐沙，浸約2-3小時。 將蝦放入冰箱，把蝦雪暈。 粉絲泡暖水至變軟，約30分鐘。 將蒜、姜、蔥、乾蔥、芫荽、辣椒、金菇洗淨並切至理想形狀，另外留起芫荽根備用。 用小鍋子，將調味料拌勻，並用小火簡單煮醬汁，激活香味🤩 將海鮮全部洗淨，瀝乾備用。…
𝑯𝒐𝒏𝒈𝒌𝒐𝒏𝒈 𝑪𝒖𝒊𝒔𝒊𝒏𝒆✨𝑪𝒖𝒓𝒓𝒚 𝑺𝒑𝒂𝒎 𝒂𝒏𝒅 𝑬𝒈𝒈𝒔 𝑭𝒓𝒊𝒆𝒅 𝑹𝒊𝒄𝒆 😌最近WFH大家都見到我迷上炒飯～今次偷懶試下淨係用一隻醬去炒飯🍛✨真係得左仲要好好味🤤 呢隻李錦記街頭魚蛋醬入口第一下咖哩味好香濃好特別，後勁甜辣，無論炒飯、撈麵、整咖哩、點燒賣/ 魚皮餃…都得！我想叫佢萬能醬！🥺真心今次試完都覺得要擺番一樽係雪櫃看門口！ 🔸材料🔸 白飯 2碗 午餐肉 170克 乾蔥 2個 雞蛋 2隻 蔥 適量 🔸調味料🔸 李錦記魚蛋咖哩醬 1-2湯匙 🔸做法🔸 前一晚煮好飯，待涼後放入雪櫃。 將乾蔥、蔥和午餐肉切成理想形狀。 將蛋打在碗內待用。 下油開鑊，用中火將午餐肉半煎炸至四面金黃，然後放在一旁待用。 熱鍋加入雞蛋，用中火及工具將雞蛋炒散至成型，然後盛起備用。 將炒鑊用熱水洗淨並抹乾，重新加入少許油（如需要）及李錦記街頭魚蛋醬，用熱鑊將咖哩香味激活！ 加入冷飯，並用大火把每粒飯炒勻至金黃色及沾上咖哩醬。 將乾蔥、雞蛋和午餐肉加入炒飯炒勻，最後上碟前30秒加入蔥花炒香即可。 🔸小TIPS🔸 咖哩醬一定要先炒香，將香味完全激活！ 如果不想用隔夜飯，可以煮新鮮白飯但放少一點水，待涼後再炒飯～ 雞蛋不用打發，放在鍋內用工具炒散，蛋白和蛋黃在鍋內不均勻地凝固可以有更豐富的口感！ 乾蔥不用爆香，後期與肉類一起加入可以保留爽脆口感！ 蔥花只能炒30秒！ ✨✨✨✨✨✨✨✨✨✨ Instagram生活日常💗https://www.instagram.com/jann.coco Youtube影片分享🎥https://www.youtube.com/@janicoco321 Facebook專頁🍳https://www.facebook.com/janicoco.kitchen 飾品店精品店💍https://bonbonlavie.co
𝑪𝒉𝒊𝒏𝒆𝒔𝒆 𝑪𝒖𝒊𝒔𝒊𝒏𝒆✨𝑺𝒘𝒆𝒆𝒕 𝑪𝒖𝒓𝒓𝒚 𝑪𝒉𝒊𝒄𝒌𝒆𝒏 𝑾𝒊𝒏𝒈𝒔 𝒂𝒏𝒅 𝑷𝒐𝒕𝒂𝒕𝒐𝒆𝒔 過埋復活節就差唔多復活了！唔駛再成日煮飯🤣之前整既咖哩雞翼😋又一送飯小菜～終於得閒剪埋片！❤️ 🔸材料🔸 雞翼 500克 薯仔 2個 甘荀 3條 乾蔥 1粒 洋蔥 1個 薑 5-6片 蒜 2瓣 熱水 400-500毫升 🔸雞翼醃料🔸 米酒 1湯匙 咖哩醬 1湯匙 沙茶醬 1湯匙 黃薑粉 1湯匙 辣椒粉 適量 鹽 1茶匙 🔸調味料🔸 冰糖 20克 咖哩醬 2湯匙 魚露 1湯匙 椰漿 100毫升 牛油 1塊 🔸做法🔸 雞翼浸鹽水30分鐘出血水，並洗淨後用廚房紙抹乾。 將蔬菜食材洗淨瀝乾，切件/ 切碎待用。 將雞翼醃料加入雞翼，醃最少30分鐘。…
𝑪𝒉𝒊𝒏𝒆𝒔𝒆 𝑪𝒖𝒊𝒔𝒊𝒏𝒆✨𝑩𝒍𝒂𝒄𝒌 𝑷𝒆𝒑𝒑𝒆𝒓 𝑩𝒆𝒆𝒇 𝑹𝒊𝒃𝒔 大排檔小菜其中一個我最中意既就係黑椒牛仔骨😋6:30左右開始整！✨冇諗過可以7:45開飯個牛仔骨仲要好入味～🤣如果直接用現成黑椒醬醃牛仔骨應該仲快仲簡單！但我覺得淨係得個個味好似酸酸地唔太岩🤔所以我要自己溝醃料👻 好好味😋加埋最近新買既中式炒鑊～終於炒到有穫氣既小菜了❤️ 🔸材料🔸 牛仔骨 4條 乾蔥 1粒 洋蔥 1個 蒜 3瓣 姜 適量 🔸醃料🔸 姜汁 1湯匙 紹興酒 1湯匙 美極醬油 1茶匙 生抽 1湯匙 老抽 1湯匙 蠔油 1湯匙 糖 2茶匙 粟粉 1湯匙 蛋白 1湯匙 胡椒粉 1茶匙 黑胡椒 1茶匙 🔸調味料🔸 黑椒醬 3湯匙 🔸做法🔸 將牛仔骨浸水約15分鐘將血水浸出。 牛仔骨用廚房紙印乾，切成小塊，再用刀背剁鬆。 將乾蔥和蒜切碎，洋蔥切成絲待用。 將姜磨成姜茸和姜汁。 牛仔骨加入所有醃料，醃製最少30分鐘。 下油開鍋，將牛仔骨煎至兩面金黃，然後放置一旁待用。 炒香蒜、乾蔥和洋蔥，再加入牛仔骨和黑椒醬回鍋炒香即可。…
𝑪𝒉𝒊𝒏𝒆𝒔𝒆 𝑪𝒖𝒊𝒔𝒊𝒏𝒆✨𝑺𝒕𝒆𝒘𝒆𝒅 𝑩𝒆𝒆𝒇 𝑩𝒓𝒊𝒔𝒌𝒆𝒕𝒔 𝒂𝒏𝒅 𝑹𝒂𝒅𝒊𝒔𝒉 𝒊𝒏 𝑪𝒍𝒆𝒂𝒓 𝑩𝒓𝒐𝒕𝒉 本來想煮咖哩牛腩😋但最近work from home不停食薯片太熱氣🔥咁啱有蘿蔔～所以就煮蘿蔔清湯牛腩❤️參考左星星師傅既做法然後再自己調整左食譜😆蘿蔔+牛腩+清湯泡飯超好味！好味到我覺得白飯煲得太少🤣 🔸材料🔸 牛腩 750克 白蘿蔔 1大條 芹菜葉 適量 薑 6-8片 蔥 1-2根 蒜 3-4瓣 米酒 2湯匙 水 1公升 🔸調味料🔸 八角 3-4粒 花椒 1撮 香葉 3-4片 白胡椒 1撮 冰糖 30克 魚露 2湯匙 鹽 1-2茶匙 🔸做法🔸 牛腩浸10分鐘出血水，蘿蔔切半待用。 凍水加牛腩、蘿蔔、姜、蔥、1-2湯匙米酒進行汆水，用中火慢慢煮至水滾前熄火，將牛腩和蘿蔔放置一旁待用。 另一個鍋子加水，底部放入姜、蔥、蒜和芹菜葉，並加入八角、花椒、香葉、白胡椒和冰糖。 蘿蔔再切半，與牛腩原條一起放入鍋內燉煮1.5小時。 在最後15分鐘時，加入鹽和魚露燉煮，然後取出牛腩和蘿蔔。 將蔥和芹菜葉取出，並用湯匙勺起油脂。 牛腩和蘿蔔切成大件，然後放回煲內煮滾2-3分鐘。 最後加上蔥花作裝飾即可上菜。…